نصائح ليكى قبل ماتاخدى قرار الحمل

انتى ممكن متكونيش حامل دلوقتى لكن بتخططى انك تبقى حامل وتمتلكى مولود جديد - علشان كدا لازم تحطى الحاجات دى فى دماغك قبل ماتحملى

نصائح قبل الحمل

1- اعملى زيارة لطبيب النسا بتاعك

دا حقيقى, انتى هتزورى طبيب النسا بتاعك كتير الفترة اللى هتحملى فيها لكن لازم تزورى طبيب النسا قبل ماتحملى حتى لو كنتى حامل قبل كدا كذا مرة, دا علشان لو عندك اى مشاكل صحية ممكن تؤثر على الحمل وتخليه حمل خطير. علشان كدا احنا كأطباء بننصح جدا بدا قبل الحمل

لو عندك امراض زى ال Cystic fibrosis or sickle cell anaemia او لو عند زوجك حتى يبقى لازم استشارة سريعة علشان نقدر نحدد ونعمل فحوصات مبدئية.

2- فحص للثة والأسنان

فى روابط كتيرة مابين صحة الفم والحمل الصحى الآمن, مشاكل اللثة بتكون مرتبطة بالاجنة اللى وزنها قليل والولادة بدرى Low birth Weight

3- الابتعاد عن التدخين السلبي والايجابي

اكيد تعرفى ان التدخين وشرب المشروبات الروحية والكحولية بيأثر تأثير سلبى على الجنين, لانها بتضر جدا بنمو الجنين وممكن تسبب مشاكل ليه لما يكبر

لكن لحد اللحظة اللى بتقرى فيها السطور دى, التدخين السلبى والمشروبات الكحولية - طبعا انا عارف ان 99% من ستات مصر مش بتشرب الحمد لله لكن علشان لو في ولو نسبة بسيطة يبقى أحطنا بكل الفئات والسلوكيات - بتاثر ومن الممكن انها تمنع اساسا حدوث الحمل وحدوث اجهاض لاقدر الله.

4- قللى جدا شرب القهوة والكافيين

شرب اكتر من كوبايتين قهوة او 5 كانزات صودا فى اليوم بيخلى الموضوع اصعب بكتير انك تبقى حامل و بيزود معدلات حدوث إجهاض.

5- كلى بذكاء واختارى اكلك بحرص

اظن مفيش وقت أكثر أهمية علشان نقطع ونسيب بقى الاكل السريع والـ Junk food - fast food اكتر من الوقت اللى هتبقى حامل فيه, احرصي على تناول فواكه كتير وخضراوات كتير, الحبوب الكاملة والبروتينات الخالية من الدهون كل يوم.

6- لو وزنك كبير حاولى تخسى

الوزن الكبير ممكن يزود فرص حدوث إجهاض ومشاكل زى سكر الحوامل Gestational diabetes وارتفاع ضغط الدم ودى حاجة بنسميها فى الطب Pre-eclampsia

اكيد مش هتقدرى تخسى وانتى حامل - علشان كده بنصحك انك تبدأى تحسى قبل الحمل - ابداى دلوقتى.

7- احرصي على تناول التطعيمات الضرورية

بعض الأمراض أثناء الحمل ممكن تسبب لك مشاكل اكتر من الاكتئاب - دى ممكن جدا تتسبب فى إيذاء طفلك - كلمى دكتور النسا بتاعك واساليه عن التطعيمات الضرورية اللى مفترض تاخديها والتطعيمات اللى هتحتاجيها قدام.

هتلاقينا بنديكى بعض التطعيمات زى تطعيم الـ Tdap vaccine لمواجهة مرض زى ال whooping cough وبالتالى الجنين هيقدر يستفاد من الحماية دى كمان.

8- اقفى عند الأدوية اللى بتاخديها

من الضرورى انك تقولى لطبيبك الأدوية اللى بتاخديها - الروشتات و الأدوية الشائعة الاستخدام زى المضادات الحيوية والمسكنات وكدا, حتى المكملات الغذائية والفيتامينات.

دلوقتى هو الوقت المثالى انك تاخدى المكملات الفيتامينية وحمض الفوليك Folic Acid وبالتالى تقللى فرص حدوث تشوهات لجنينك ان شاء الله.

9- اتمرنى فى الجيم

مش بس هتساعدك انك تشكلى جسمك بطريقة كويسة للحمل والولادة لكن لابد انك تبحثى عن دورات تدريبية امنة للحوامل او الستات اللى بتفكر تحمل علشان تقدرى تمارسي جميع نشاطات يومك بشكل كويس.

بعض النساء تفضل زيارة طبيب النسا بدلا من طبيب السرة. يجب عليك التحدث بثقة لطبيب النسا والتوليد الخاص بك حول كل مايصيبك من الام والسؤال عن النصيحة الطبية للحالات المختلفة. فلسفتنا

شارك المقالة وساعد فى النشر :