الحمل بعد سن 35

مصطلح الحمل المتأخر من المصطلحات اللى نادرا مابنستخدمها لو بتفكرى تحملى وسنك اكبر من 35 سنة أو حتى أربعين سنة! متقلقيش, معظم الستات اللى حملوا بعد سن 35 أولادهم كانوا طبيعيين وأصحاء. لكن دا مش معناه ان يتم تأخير الحمل للسن المتأخر نسبيا دا.

الحمل فى سن متاخر

مخاطر الحمل بعد سن 35

  • الضغط العالى
  • سكر الحمل
  • الإجهاض والولادة المبكرة
  • مشاكل الولادة اللى بتخليكى مضطرة تعملى ولادة قيصرية
  • الولادة بدرى Premature birth
  • وزن الجنين القليل
  • مشاكل الوراثة فى الاطفال زى Down syndrome أو متلازمة الداون

فوائد الحمل بعد 35

الامهات الكبار فى السن اكيد خبرتهم أكثر فى الحياة ومستوى المعيشة معاهم هيبقى افضل من الامهات اللى لسه صغيرين فى السن وخبرتهم قليلة.

ازاى تزودى فرصك فى الحصول على جنين صحى وتبقى صحته كويسة ؟

لازم تعملى فحوصات دورية واستشارات عند دكتور النسا والتوليد الخاص بيكى. لما تقررى انك عايزة تحملى وتخلفى اتبعى الخطوات اللى هنقولهالك دى:-

زورى دكتور النسا الخاص بيكى: اعملى Checkup علشان تعرفى ما إذا كنتى قادرة نفسيا وصحيا على الحصول على مولود جديد.

تابعى مع دكتور النسا بتاعك طول فترة الحمل طبعا. اول 8 اسابيع من الحمل مهمين جدا لنمو الجنين, الاستشارات الطبية بتزود فرصك جدا فى الحصول على حمل آمن وصحى. الاستشارات دى بتتضمن فحوصات و Screening واختبارات بشكل منتظم, تعليم بكل فترة الحمل والولادة, ودعم نفسى وصحى.

الاستشارات الطبية كمان بتساعدك على الحصول على مزيد من الامان والحماية خصوصا مع الحمل اللى فوق سن 35 سنة أو الحمل المتأخر. دا بيخلى الطبيب المعالج على دراية بالمخاطر اللى ممكن تحصل لك فى السن دا. يعنى على سبيل المثال, سنك ممكن جدا يعلى فرص حدوث سكر الحوامل ومرضى الـ Pre-eclampsia (مرض يتميز بارتفاع الضغط وكثرة البروتينات فى البول) فى الاستشارات دى الطبيب المعالج هيعمل لك قياس ضغط وفحص نسبة البروتين فى البول الجلوكوز أو السكر فى البول - دا هيساعدنا جدا فى تشخيص ومعالجة المرض بشكل سريع وفعال.

لازم ولابد انك هتمشى على كورس فيتامينات ومقويات - كل الستات اللى فى فترة الحمل والولادة لازم ياخدوا فيتامينات على الأقل 400 ميكروجرام من حمض الفوليك Folic acid خلال اول 3 شهور - طبعا فائدة حمض الفوليك انه بيساعد الجنين وبيحميه ضد مشاكل المخ و امراض الحبل الشوكى. خصوصا مع الحمل فى سن كبير بيساعد ضد حدوث اى تشوهات جنينية. بعض الفيتامينات أثناء الحمل بتبقى بتحتوى على 800 - 1000 ميكروجرام من حمض الفوليك. دا امن فى الحمل.

حمض الفوليك

فى الحقيقة, بعض الستات بتحتاج اكتر من 400 ميكروجرام لحماية الجنين ضد التشوهات الخلقية اللى ممكن تحصل له, اوعى تاخدى اكتر من 1000 ميكروجرام من حمض الفوليك بدون استشارة الطبيب المعالج. الستات اللى عندها تاريخ مرضى مع جنين عنده تشوهات خلقية فى الاعصاب Neural tube defects بتحتاج حوالى 4000 ميكروجرام من حمض الفوليك.

طيب ازاى تقللى مخاطر ومشاكل الحمل اللى ممكن تحصل لك؟

اكيد اهتمامك بنفسك وبصحتك هيعود بالأثر الايجابي على صحة مولودك - وهيحميكى من حدوث مرض سكر الحوامل Gestational diabetes والضغط العالى. كلما كانت صحتك احسن كلما كانت صحة الجنين احسن.

لو عندك مشكلة مرضية مزمنة زى السكر او الضغط, متفوتيش مواعيد الاستشارة مع الدكاترة اللى انتى ماشية على العلاج معاهم. زورى كمان طبيب الاسنان للاطمئنان على صحة أسنانك واللثة للحماية ضد مخاطر الولادة المبكرة والوزن القليل للطفل.

كنا اتكلمنا عن صحة الاسنان واللثة فى اهم النصايح قبل ماتاخدى قرار الحمل

خلى دايما اكلك متوازن. لما تاكلى مأكولات متنوعة - دا هيساعدك على الحصول على جميع العناصر الغذائية اللى جسمك محتاجها. كلى خضراوات وفواكه كتير. حبوب وحليب منزوع الدسم او قليل الدسم.لابد انك تاكلى او تشربى على الاقل 4 حاجات فيها منتج من منتجات الالبان ( لبن - جبنة - زبادى ) لاحتوائها على الكثير من الكالسيوم. دا هيحافظ على صحة عظامك وأسنانك بينما ينمو جنينك, كلى مأكولات فيها folic acid طبيعى زى الخضراوات الطازجة والكبدة والحبوب المجففة والموالح زى البرتقال واليوسفى.

ماكولات الحوامل

زيدى فى الوزن الزيادة المحددة اللى تتلائم مع نمو الجنين - يعنى على سبيل المثال. الستات اللى وزنها طبيعى لا هى تخينة ولا رفيعة لازم تزيد فى الوزن بمقدار 10 - 15 كجم. لو انتى زايدة فى الوزن overweight يبقى لازم تزيدى فى الوزن من 5 - 10 كجم اما لو انتى تخينة obese يبقى تزيدى من 3 - 7 كجم فقط.

الزيادة فى الوزن بالمعدل المطلوب والمعقول هيخلى نمو الجنين سليم ومش بطىء. وكمان بيقلل امكانية ان الجنين يبقى وزنه رفيع او قليل. وكمان بيقلل من فرص حدوث سكر الحوامل او ارتفاع ضغط الدم.

اتمرنى بانتظام. ده هيحافظ على وزنك اثناء الحمل وهيخليكى قادرة تواجهى أي ضغوط وهيخليكى اقوى. تاكدى بس انك متابعة برنامج التمارين مع الطبيب المعالج. هتقدرى انك تكملى تمارينك بانتظام أثناء الحمل, الطبيب المعالج كمان هيقدر يخليكى تعدلى روتينك ويومك بالشكل الأمثل.

تمارين للحوامل

لو كنتى بتدخنى توقفى عن التدخين على الفور. التدخين بيزود فرص الولادة المبكرة. واللى اساسا نسبتها كبيرة فى الستات اللى سنها كبير, عدم التدخين هيمنع كمان مرض الـ Pre-eclampsia اسالينا عن الادوية - هنقدر نساعدك ونحدد لك الادوية اللى ينفع تتاخد واللى مينفعش تتاخد أثناء الحمل والترضيع. دا بيتضمن ادوية الروشتات والادوية الـ OTC او المسكنات والمضادات الحيوية بالإضافة للمقويات والفيتامينات.

فلسفتنا

resources - المصادر

American College of Obstetricians and Gynecologists: "Later Childbearing," "Screening for Birth Defects," "Reducing Your Risk of Birth Defects," "Routine Tests in Pregnancy."

March of Dimes: "A Mommy After 35," "Overweight and Obesity During Pregnancy."

Mayo Clinic: “Preeclampsia,” “Pregnancy after 35: Healthy moms, healthy babies.”

March of Dimes: “Pregnancy after age 35.”

Centers for Disease Control and Prevention: “First Births to Older Women Continue to Rise.”

PLOS ONE:“The Relationship between Age at First Birth and Mother’s Lifetime Earnings: Evidence from Danish Data.”

Menopause:“Extended Maternal Age at Birth of Last Child and Women’s Longevity in the Long Life Family Study.”

Population and Development Review:“Advanced Maternal Age and Offspring Outcomes: Reproductive Aging and Counterbalancing Period Trends.”

British Medical Journal:“The health and development of children born to older mothers in the United Kingdom: observational study using longitudinal cohort data.”

والان لقد حان دورك - قل لى فى التعليقات اى شىء يدور فى ذهنك حول الحمل فوق سن 35 وسنقوم بالرد فى الحال.

شارك المقالة وساعد فى النشر :