البدايات وكيفية حدوث الحمل - ازاى تعرفى انك حامل

الحمل والولادة

لو فكرتى فى موضوع الحمل قبل كده - اكيد فكرتى فى المدة اللى هياخدها الحمل, مواعيد العلاقة الحميمية وكم مرة؟ النهاردة هنجاوب على كل الاسئلة دى هنا على منصة العيادة

احتمالات حدوث الحمل

من الأسئلة الشائعة: ايه يادكتور احتمالات انى هبقى حامل الشهر دا؟ بالنسبة للناس المتزوجة حديثا أو في بدايات الزواج - احتمالات انك هتحملى هى من 15% - 25% فى اى شهر.

لكن فى بعض الحاجات اللى هتأثر على فرصك في حدوث الحمل - الا وهى:-

  • السن : بعد الوصول إلى سن 30 سنة, فرصتك فى حدوث الحمل فى اى شهر بتقل - وبتقل تدريجيا كل شهر مع مرور السن لغاية ماتقل جدا فى الاربعينيات.

  • الدورة الغير منتظمة : وجود دورة غير منتظمة بيصعب من معرفة توقيت التبويض وبالتالى معرفة الوقت اللى مفترض حدوث العلاقة الحميمة فيه

  • عدد المرات اللى حاولتى فيها تحملى : لو محصلش الحمل فى خلال السنة الاولى من الزواج - ففرص انك تحملى بتبقى ضعيفة ولازم تسالينا وتتابعى معانا

  • الامراض او الحالات الطبية اللى بتاثر على الحمل.

افهمى الدورة

معرفة بعض المعلومات عن الدورة أكيد هتساعدك كتير جدا

الدورة او البريود عن البنت او الست بتبدأ لما بتلاحظى ظهور دم احمر لامع - مش بس نقط دم - وبتنتهى فى اليوم اللى قبل بداية الدورة الجديدة. الدورة ممكن تستمر من 21 يوم الى 35 يوم.

لو دورتك بتختلف فى بعض الأيام من دورة للتانية فدى تعتبر دورة غير منتظمة وهى شائعة. كتير من البنات والستات معندهمش دورة منتظمة ولكن دا مش معناه بالضرورة ان فى حاجة غلط.

العلاقة الحميمة والحمل

سؤال تانى بتسال لى من الأزواج. كم مرة مفترض نمارس العلاقة الحميمة؟ باختصار : الإجابة : غالبا وحتى مرتين فى الاسبوع.

كتير من الازواج بيقضوا وقت كبير فى تحديد مواعيد العلاقة الحميمية! بدقة حسابية كبيرة. ودا علشان نحسب امتى ميعاد التبويض الاساسى عند الزوجة. الطريقة منطقية. لكن اظهرت اخر الابحاث ان احتمالية ان الحيوان المنوى يخصب البويضة هي احتمالية صغيرة. فى الاساس, هما من 3 - 5 ايام التبويض بالاضافة الى يوم التبويض نفسه.

افضل الفرص ليكى من يوم الى يومين قبل التبويض

بننصح أن تكون العلاقة الحميمة كل يوم فى الاسبوع اللى قبل التبويض او حتى من بعد نهاية البريود.

بينما انتي بتظبطى توقيتاتك كويس للايام اللي قبل التبويض. الموضوع برده مش بالسهولة دىى, دا لان جسمك مش دايما بيمشى على وتيرة واحدة فيما يخص التوقيتات. حتى لو دورتك منتظمة. التبويض نفسه ممكن جدا يحصل فى اى يوم من أيام الدورة.

حتى لو مارسى العلاقة الحميمية فى يوم التبويض - ممكن جدا متكونيش محظوظة فى اليوم دا وميحصلش حمل.

بالتالي أفضل نصيحة لحدوث الحمل هو ممارسة العلاقة الحميمية على الاقل مرتين فى الاسبوع الى 3 مرات فى الاسبوع. طالما ان عدد الحيوانات المنوية سليم وطبيعى, ده هيزود فرصك في حدوث الحمل.

إنهاء حبوب منع الحمل علشان تحملى

طيب يادكتور الموضوع بياخد قد ايه لحد ما تأثير حبوب منع الحمل يختفى؟

من الممكن جدا أن يحص لك حمل مباشرة بعد توقيف حبوب منع الحمل - بمجرد خروج هرمونات الحبوب دى من جسمك - على الرغم من انه ممكن الفترة تصل الى عدة شهور لغاية مايرجع التبويض من جديد.

طيب هل يادكتور من الأمان انى احمل مباشرة بعد توقيف حبوب الحمل؟

ايوة طبعا. الستات اللى بتحمل مباشرة بعد توقيف حبوب الحمل من المرجح جدا انهم يحصول على بيبى سليم معافى زيها زى الى انتظرت شهور وشهور.

المصادر

  • American College of Obstetricians and Gynecologists.

  • BabyMed.

  • National Institute of Child Health and Human Development, the National Institutes of Health.

  • National Institute of Environmental Health Sciences.

فلسفتنا

شارك المقالة وساعد فى النشر :