الفيتامينات اللى لازم تاخديها اثناء الحمل

فلسفتنا

ايه هى الفيتامينات اللى المفترض همشى عليها يادكتور شمس أثناء فترة الحمل؟

فيتامينات الحمل هى مجموعة من الفيتامينات اللى بتمشى عليها وانتى حامل علشان تعوضى النقص اللى بيحصل فى جسمك واللى بيتغذى عليه الجنين اثناء فترة الحمل. بنرشح طبعا انك تمشى على الفيتامينات والمقويات دى قبل وأثناء فترة الحمل.

الاكل الصحى ضرورى طبعا خصوصا اثناء فترة الحمل. وفيتامينات الحمل هتساعدك انك تعوضى النقص أو الـ Gap اللى موجودة فى اكلك.

طيب وايه الفيتامينات اللى موجودة واللى هيحتاجها جسمى؟ جسمك هيحتاج والفيتامينات والمعادن التالية:-

  • 400 ميكروجرام من حمض الفوليك Folic Acid
  • 400 وحدة دولية IU من فيتامين د
  • 200 - 300 ملليجرام من الكالسيوم
  • 70 مليجرام من الفيتامين C
  • 3 مللى جرام ثيامين
  • 2 ميلي جرام ريبوفلافين
  • 20 ملليجرام نياسين
  • 6 ميلي جرام فيتامين ب 12
  • 10 ميلي جرام فيتامين E
  • 15 مللى جرام زنك
  • 17 ميلى جرام حديد
  • 150 ميكروجرام ايودين

طيب وايه فايدة الفيتامينات دى وحمض الفوليك والكالسيوم ليا؟

فلسفتنا

اولا : حمض الفوليك

ضرورى جدا لا تقررى قرار الحمل انك تاخدى حمض فوليك - دا بيمنع حدوث عيوب خلقية فى الجهاز العصبى للجنين Neural tube defects واللى بتتكون مبكرا اثناء الفترات الاولى للحمل. علشان كده بننصحك ياست الكل انك تمشى على حمض الفوليك لمدة 12 اسبوع او الـ 3 شهور الاولى من الحمل علشان ميحصلش لاقدر الله اى مشاكل للجنين الجميل اللى عايزينه ييجى.

طيب ولو كان عندك جنين قبل كدا وعانى من المشكلة دى؟ يبقى بتستشيرى الطبيب المعالج علشان يعلى لك الجرعة إلى 4000 ميكروجرام وهتاخديها المرة دى قبل الحمل بشهر واثناء الـ 3 شهور الاولى من الحمل.

تمام جدا - ايه المأكولات اللى بتحتوى على حمض الفوليك الطبيعى؟ الحقيقة مأكولات كتيرة جدا بتحتوى على حمض الفوليك الطبيعى زى: -

  • المكسرات
  • الحبوب زى الفاصوليا beans
  • الموالح زى البرتقال واليوسفى

ثانيا: الكالسيوم

طبعا الجنين بيسحب من مخزون الكالسيوم اللى عندك فى العظام علشان كدا لازم تحصلى على المزيد من الكالسيوم علشان تعوضى النقص دا

ثالثا: اليود

اليود مهم جدا علشان الغدة الدرقية بتاعتك نقص اليود ممكن يتسبب فى الاتى:-

  • حدوث إجهاض
  • الولادة المبكرة
  • النمو البطيء للطفل
  • الصمم
  • حدوث مشاكل ذهنية للطفل فيما بعد

فلسفتنا

رابعا: الحديد

الحديد بيساعد جسمك على تكوين خلايا دم حمراء جديدة والخلايا دى بتحمل الاكسجين لكل جسمك وكمان للجنين علشان ينمو جسمه.

طيب هل فى عناصر تانية هيحتاجها الجسم خلال فترة الحمل؟ اكيد طبعا فى عناصر تانية هيحتاجها جسمك أثناء فترة الحمل وممكن جدا تستشيرى الطبيب المعالج عن أهم العناصر اللى هيحتاجها جسمك.

الاوميجا - 3

الدهون دى اللى بتحتوى على مادتى الـ EPA / DHA بتيجى فقط من المصادر السمكية والمكسرات. اثبتت الدراسات ان الاوميجا - 3 بتقلل مخاطر الولادة المبكرة والوزن القليل للطفل. فلو ماكلتيش اكل فيه اوميجا - 3 بكميات مناسبة ممكن تستشيرى الطبيب المعالج عن أهم المصادر البديلة او الادوية اللى بتحتوى على اوميجا - 3

الكولين choline

على الرغم من ان جسمك يقدر يكون الكولين بنفسه - انتى بتحصلى على معظمه من الأكل, من المصادر الغنية بالكولين اللحمة والفراخ والسمك والبيض. كتير من الحوامل مش بيحصلوا على مادة الكولين واللى الجنين بيبقى محتاجه جدا لنموه.

طيب وامتى ابدا اخد الفيتامينات والمقويات دى يادكتور شمس؟ افضل وقت على الإطلاق تبداى تاخدى فيه الفيتامينات والمقويات دى هو قبل تحديد ميعاد الحمل, حمض الفوليك مهم جدا تاخديه قبل شهر من حدوث الحمل لمنع مشاكل التشوهات الجنينية

جميل جدا - هل فى اى اعراض جانبية من الفيتامينات دى؟ بعض الفيتامينات ممكن تسبب إحساس بالغثيان عند بعض الستات - لو دا حصل لك كلمى الطبيب المعالج على طول, وهيوصف لك علاج بديل على الفور.

الحديد فى الفيتامينات ممكن يتسبب لك فى امساك - من العلاجات البديلة :-

  • الماكولات اللى بتحتوى على ألياف طبيعية زى الخضار بأنواعه
  • شرب الميه الكتير
  • التمارين الرياضية
  • الملينات

فيديو باهم الماكولات

المصادر - resources

The March of Dimes. Mayo Clinic: “Pregnancy Week by Week.” University of California, San Francisco: “Anemia and Pregnancy.” Cochrane: “Omega-3 fatty acid addition during pregnancy.” Harvard T.H. Chan School of Public Health: “Omega-3 Fatty Acids: An Essential Contribution.” Nutrients: “Choline: Exploring the growing science on its benefits for moms and babies.”

فلسفتنا

والان لقد حان دورك - قل لى فى التعليقات اى شىء يدور فى ذهنك حول الحمل فوق سن 35 وسنقوم بالرد فى الحال.

شارك المقالة وساعد فى النشر :